Thursday, 13 July 2017

Short Task Sites Se Paisa Kamaye

Dosto agar aapko online earning ka internet pr koi sahi rasta nahi mil rha aur aap internet se paisa kamane ki ummed rakhtey hai toh aaj main aapko aisi short task sites ke baare me btane wala hu jinse aap acchi earning kr saktey hai. In sites me aapko kuch simple task complete krne hotey hai jiska aapko paisa milega kuch dollar me jinhe aap paypal ke thru indian rupees me le saktey hai. Is kaam me aapko kuch aise short task complete krne hotey hai jaise ki editing, taking survey. watching videos and online research writing etc.

1. Swagbucks: Swagbucks ek online earning platform hai jisme aapko kuch points earn krne hotey hai. Jise SB kahtey hai aap inpoints ko redeem kr saktey hai. Amazon pr kuch products kharid saktey hai aur is paise ko paypal pr withdrawal krke bank account me transfer bhi kr saktey hai. Isme aap SB points videos dekhkar, surfing web,Question answers aur shopping krke points earn kr saktay hai aur jab aap isme signup krtey hai tab aapko 5$ signup bonus milta hai.

2. CashCrate: Ye bhi ek online earning platform hai jis pr aap chotey chotey simple task complete krke earning kr saktey hai jaise ki surevey, online shopping etc. Isme aapko sign up bonus 1$ milta hai

3. FusionCash: FusionCash ek bhi aisa hi online platform hai jaha aap isi trah ke task compelte krke paisa kama saktey ha isme minmum 0.25$ short task ke miltey hai aur kuch badey task ke 30$ tak miltey hai. Ye bhi ek accha option hai earning ka jise aap join kr saktey hai.

4. Amazon Mechanical Turk: Amazon Mechanical Turk Ye bhi ek task sites hai jo amazon ke jariye chalayi gayi hai. Ye sabhi sites me ek behtreen sites hai a short task earning ke liye. Isme apko hajaaro task mil jayengey join hotey hai jinhey aap asaani se compelete kr saktey hai. Isme jo task hotey hai Unhey HITS (Human Intelligence Task) Kahtey hai. Isme UK,US ke log apna task daltey hai compelete krwane ke liye aur jab aap task compelet kr detey hai tab requester ise approve krta hai. Lekin is sites pr account asaani se nahi milta indians ko kyonki spamming ki wajah se abhi mturk ne india, pakistan,bangladesh ke logo ko approval dena band kr diya. Is se accha option nahi hai simple task ke liye.









Tuesday, 11 July 2017

Online Business Ideas In Hindi

Aaj ke time pr bahut se log online paisa kamana chahtey hai kyonki is kaam me financial freedom hoti hai jis se log apni life ko enjoy kr saktey hai. aur dekha jaaye toh aaj ka daur me berojgari bhi bahut hai. Aaj ke samay me acchey educated person bhi choti naukri krke gujara kr rahey hai.Education me jyadatar vo log acchi job haasil kr letey hai jo padaayi me acchey ho aur unki families paise wali hai toh vo log apne baccho ko higher education dilwatey hai aur dusre vo log jinke father ka accha business hai vo log padayi ke baad khud ka business sambhaal letey hai toh un logo ko bhi education ka fayda mil jata hai. Lekin sabhi educated logo ek jaise nahi hotey jo log middle class family ko belong krtey hai toh jyadatar problems unhi ko hoti hai vahi log job ke liye idhar udhar dhakkey khatey firtey hai. Aise logo ke liye online business krna kaafi faydeymand hai.

Lekin Online business se paisa kamana bhi asaan nahi hota hai isme sirf vahi log kama saktey hai jo bahut jyada sbra ( Patience ) kr saktey ho aur thodi mehnat kr saktey ho. Vo log isme success hai. Online income genrate krne me humein time lagta hai lekin jab ye income shuru ho jaati hai tab bahut paisa aata hai aur continue aata hai kaam krne pr. Toh aaj hum jantey hai online business kya kya hai aur kaise shuru kr saktey hai..

Aaj agar dekha jaaye toh puri Internet industry sirf  advertising se hi chal rahi hai. Google ki bhi 99% kamaayi Advertising se hi hoti hai. Aur hum bhi yaha se accha paisa kama saktey hai. Internet se paisa kamane ke bahut se tarike hai aaiye jaantey hai.

1.Blogging: Internet pr aap apn blog bnakar ya website banakar paisa kama saktey hai iske liye aap sie sirf us topic pr banaye jiski aapko acchi jaankari ho aur aapko intrest bhi ho tab aap is pr apni jaankari share krke paisa kama saktey hai ab aap ye soch rahey hongey ki humein is se paisa kaise milega toh main btaa ta hu ki is se aapko paisa kaise milega dosto is se aapko paisa milega Google adsense se aap Google adsense account approve krwakar paisa kama saktey hai bahut se log is se lakho rupees kama rahey hai.

2. Affiliate marketing: Ye bhi ek better way hai internet se paisa kamane ka isme aapko krna ye hoga ki aapko kisi bhi affiliate sites pr ragister krna hoga aur aap vaha se paisa kama saktey hai. Aapko un affiliate sites ke products ko promote krke sale krwana hoga jiska commission aapko milega. Aap eCommerce site ke bhi affiliate ban saktey hai jaise ki Amazon,flipkart,snapdeal,ebay inke products sale krwakar aap accha paisa kama saktey hai

3. Freelance Content Writers: Aap freelance content writer banke bhi accha paisa kama saktey hai. Google pr aapko content writing ke liye bahut saari sites mil jayengi jaha aapko likhne ka paisa milega lekin is kaam me aapki skill acchi honi chahiye aur aap fresh content likh sakey jo kisi other sites se copy paste nahi kiya gya ho. Ha lekin aap articles likhne ke liye dusri sites se janakari padd saktey hai. Lekin copy paste nahi hona chahoye aur aapki english bhi acchi honi chahiye tabhi aap is field me kama saktey hai.

4. Sell Products Online: India me aaj kal online selling ka craze badta hi jaa rha hai aaj bahut log india me online shopping kr rahey hai agar aap bhi is business ka hissa ban na chahtey hai toh aap amazon,Flipkart aur snapdeal jaisi sites pr apne products sale kr saktey hai. Is Business me accha profit aur ye kaam aap apne ghar se hai bas aapko ek product select krna hai jo aap online sale krna chahtey hai. Ha lekin isme aap vahi products select kre jo online jyada sell hota ho aur is kaam ko shuru krne ke liye aapke pass GST number bhi hona chahiye.

5. Web Design: Web design bhi ek accha field hai aur isme bhi aap apna online carrier bana saktey hai agar aapko coding aur site banane ki acchi jankari hai toh aap fiverr aur freelancer jaisi sites pr iske projects le saktey hai. Shuruaat me aapko isme order milne me dikkat ho sakti hai lekin jab aapko projects milna shuru ho jayenge tab aapki acchi earning shuru ho jayegi aur aapke clients bhi ban saktey hai jo aapko continue kaam de. Agar aap is kaam ko krna chahtey hai toh main aapko yahi salah dunga ki aap iski shuruat fiverr se kre











Friday, 7 July 2017

Gmail Pr Account Kaise Banaye

Dosto ye jaankari un logo ke liye hai jo internet ki duniya me naye hai waise toh email account create krna sabhi jaantey hai lekin ye post me un logo ke liye likh rha hu jo internet pr bilkul naye aur jinhey eamil account create krna bhi nahi aata hai.Gmail pr account banane ke liye sabse phele aapko gmail.com open krna hoga ya fir aap Google me bhi gamil likh kr site open kr saktey hai.Ye google ki hi ek email service hai jo humein free email service deti hai jis pr hum apna account banakar is service ka fayda utha saktey hai.

Gmail Account banane ke liye sabse phele aap site Open kre.

Vaha aapko login ka option dikhayi dega uske nichey aapko create account ka option bhi milega

aapko Create account pr click krna hoga uske baad vaha ek form open hoga.

aapko us form ko fill krna hoga jo bhi details vo maang rahey hai uske baad submit krna hoga

Submit krne ke baad agar apne mobile no. fill kiya hai toh gmail aapke number pr verification code send krega

Apko Us code ko vaha daalkar mobile verify krwana hoga uske baad apka account create ho jayega

Is trah se aap gmail account bana saktey hai aur email kahi bhi send and recieve kr saktey hai.Google humein iske alava bhi bahut sari service free deta hai jaise ki blog create krna blogger pr aap blogger pr apna blog bana saktey hai.Aur us pr kuch bhi likh kr blogging start kr saktey hai.Blogger pr account banane ke liye bhi aapko Gmail account ki jrurat padti hai aap gmail account ke bina blogger pr blog create nahi kr saktey.

Gmail pr email kaise send kre

Gmail pr koi bhi mail star box main kaise daale

Apne Gmail ko Kaise Secure kre

Thursday, 6 July 2017

Jaaniye GST Ke Baare Me GST Kya hai

Ab hamare desh me GST laagu ho gyaa hai GST ka mtlab "Goods and Service Tax" hai. Hum Goods unhe kahtey hai. jo chije hum kharidtey aur bechtey unhe goods kaha jaata hai. GST se phele india me alag alag tax hotey they jaise VAT, CST Value added tax and Central Sales tax aur iske alava bhi bahut saare tax lagtey they jaise ki entertainment tax alag agar hum service provide kr rahey hai uska tax alag lekin ab pure desh me sirf ek hi tax laagu kr diya gyaa hai aur uska % bhi ek hi hai. Vaise GST other countries me phele se hi laagu yaha tak ki Pakistan me bhi GST india se phele hai. Lekin hamare desh me aur desho ke comparison me tax jyada hai others country me kam hai.

Kya Faydey Hai GST Ke?
GST laagu honey ke baad iska bahut hi accha fayda milega aur iska sabse jyada fayada ek aam aadmi ko milega GST me sabhi service aur products pr pure desh me sirf ek hi tax lagega jaise ki maan lo ki aapko ek car kharidni hai aur aap rahtey Up me ho aur car kharidtey ho delhi me toh aapko Car ki price delhi me alag milegi aur U.P. me alag lekin ab all india me GST lagu ho gya hai toh aap pure desh me kahi bhi car kharidety hai toh aapko iska same price milega. Sabhi products pure desh me ek hi rate me milengey.

GST kise lena chahiye ?
Jaise ki aap jaantey hai ki GST Products aur services pr lagaya gya hai toh jo log business krtey hai unhe ye lena jaruri hai lekin GST ragistration un logo ke jruri hai jinki salana Bikri (Yearly Sale) 20 lakh se jyada hai toh unhey GST lena jruri hai aur jinka business is se kam hai unhe iski jrurat nahi ha lekin india ke kuch states aise bhi hai jaha pr GST 10 lakh se jyada ke business pr bhi lagaya gya hai.

Kis desh me kitna GST hai?
GST laagu honey se ab india bhi un desho ki list me shamil ho gyaa hai jaha pr GST phele se hi hai.Aaiye Jaantey hai GST kis desh me kitna lagta hai.


  • Canada = 13% se 15% GST 
  • France  =  20% GST 
  • New Zealand = 15% GST    
  • Malaysia = 6% GST 
  • Singapore = 7% GST 
  • Pakistan = 17% 
  • United Kingdom = 20% GST










Wednesday, 5 July 2017

Amazon Pr Sabse Jyada Sell Honey Wale Products

Online Shopping india me aaj ke daur me bahut bada trend ban chuka hai. Lekin india ki abaadi ke sirf 30% log hi online shopping krtey hai jo ki other countries ke hisaab se jyada hai aur india me online shopping ka craze badta hi jaa rha hai aane wale time pr lagbhag sabhi log online shopping pr depend rahengey isliye is field me bahut saari opportunity hai aur jo log abhi is field me kaam kr rahey hai vo log accha paisa bhi kama rahey hai. Aap India me amazon, flipkart aur snapdeal jaisi site pr apne products sale kr saktey hai toh jaaniye un products ke baare me jo amazon pr sabse jyada sell hotey hai.

1. Books: Books bhi online bahut jyada sale hoti hai aur iski wajah hai ki books online kaafi sasti mil jaati hai aur kuch books aisi bhi hoti hai jo humein market me shops pr nahi milti lekin online asaani se mil jaati hai is wajah se bhi log online jaatey hai. Amazon Kindle pr free me read kr saktey hai.

2. Apparels: Ye bhi online sale honey wali most category hai. Apparels ki category me clothes aatey hai jo ki aaj kal bahut jyada trend me hai jiski khass wajah ye hai ki online ye sastey hai miltey hai aur variety bhi bahit jyada milti hai.

3. Jewellery: India me jewellery ki online acchi sale hoti hai indian women and girls kaafi shopping krne lagi hai jewellery ki ek reports ke mutabik india me har 5 minute me ek jewellery piece e-commerce site pr sale hota hai.     

4. Games: Games bhi online sale honey wali most catogary hai games ki online sale kaafi acchi hai agar aap bhi online kuch sale krna chahtey hai amazon jaisi sites pr toh aap ise bhi select kr saktey hai. PS2 games, PC games me "Call Of Duty" jaise games ki acchi sale hai.

5. Footwear: Footwear me bahut sari varieties availble hai online store pr men and women ke liye aaj kal ki young generation shoes ki online shopping me jyada intrested hai. 

6. Beauty products: Beauty products bhi online industry me major role adaa kr rahey hai skin care products ki bahut hi acchi sale hai aur kuch sites sirf ye hi products sale krne ke liye bani huyi hai.

7. Fashion Accessories: Fashion Accessories ek most catogary hai online store ki Indian men and women fashion accessories bhi bahut kharidtey hai jaise ki belts,ties, hats,goggles, Cap etc..In pr discount bhi accha mil jaata hai online stores pr.

8. Bags: Bags bhi online sale honey waley products me shaamil me aur iska credit jaata hai indian women ko jo apne matching purse lena nahi bhoolti hai. Online stores pr lagbhag humein sabhi trah ke colours ke bags asaani se mil jaatey hai. Females matching purse lena pasand krti hai jiski wajah bags bhi online selling ki top category me shamil hai,

9. Digital Camera: Digital Camera ke baare me ye ptaa chalaa hai ki log digital camera online jyada lena pasand krtey hai bajaay physical store ke. 

Agar aap online ek accha business krne ki soch rahey hai toh in products ko sale krne ka business shuru kr saktey hai. Inki sale kaafi acchi hai jis se aap ek bahut hi accha business setup jama saktey hai. Ha lekin aapko is business me set honey me thoda time toh lagega hi jaisa ki sabhi business me lagta hai. Lekin agar aapne isme thoda investment krke kaam shuru kr liya toh fir aapko koi dusra business ya naukari krne ki jarurat nahi padegi. Main aapko next post me batunga ki aapko online selling kaise start krni hai. 

Dosto Online selling me Computers hardwares ki catogary bhi bahut famous hai jo bahut jyada sale honey wale products me shaamil me uper list me iske baare me batana bhul gyaa toh uske baare me yaha likh rha hu agar aap computers hardwares sale krna chahtey hai toh uske liye apko whole sale markets ki jankari honi chahiye. Computers hardwares ka delhi me bahut bada wholesale market hai jiska naam Nehru Place hai jaha se pure desh ke log computers parts kharidney aatey hai aur Nehru Place me bahut hi sastey daam pr miltey hai jinhey aap online sale krke accha profit kama saktey hai 

Dosto online business me sabse jyada jruri yahi hota hai ki hum online vo products sale kre jiskii selling jyada ho aur vo humein asaani se sastey price pr mil jaaye. Tabhi aap accha kama saktey hai agra aap online sale krne ke liye aise products select krtey hai jinki selling rating kam hai aur vo aapko sastey me milta hai toh bhi aapko us se fayda nahi hoga jab product sell hi nahi hoga toh fir munafa kaise kamyenge.









Wednesday, 28 June 2017

Jaaniye Dark Web Ke Baare Me


Dark web kya hai toh dosto aaj hum baat krtey hai dark web yaani dark website ke baare me inhe dark web isliye kaha jata hai kyonki ye internet ka ek aisa hissa hai jo har koi asani se surf nahi kr sakta hai. In sites ko search engine pr bhi dhundna mushkil hota hai isliye inhe dark web kaha jaata hai jo bahut gahraayi yaani deep me hoti hai ya yu kahey ki dark web search engine pr add hi nahi hoti hai in sites ko sirf vahhi log surf kr saktey hai jinhe direct inka web address ptaa ho. Dark web ka use galat kaamo me kiya jaata hai.

Internet 3 hisso me divide hai jinhe hum is trah samjh saktey hai

  • Surfaceweb
  • Deepweb
  • Darkweb
Surfaceweb: Ye internet ki vo website ka hissa hai jo net pr asaani se mojood hai yaani ki vo website jinhe hum surf kr saktey hai aur jo humein search engine me asaani se mil jaati hai jaha jakar hum jankaari letey hai ya koi service letey hai ya fir shopping kr saktey hai. Ye vo website hai jo surface web kahlaati hai aur jinhey visit krne pr humein koi problem nahi hoti hai.

Deepweb: Deepweb vo hoti hai jo search engine ki gahraaiyo me hoti g




Dark Web Kis Kaam Me Use Hoti Hai
Dark web ka use illegal kaamo me kiya jata hai in sites pr sabhi trah ke galat kaam hotey hai jaise ki smuggling krna kisi ka murder krna ya torture krna paiso ki len den ye sab yaha pr insaan ko torture bhi kiya jaata hai jaha tak mujhe maloom hai toh yaha pr insaano ko maarne ke paise bhi diye jaatey hai aur unke videos bnakar sale bhi kiye jaatey. In sites pr lagbhag sabhi trah ke galat kaam kiye jaatey hai. Kuch log yaha kala judu krna shaitanoki pooja ye sab bhi yaha krtey hai jo ki bahut hi galat kaam hai aur in logo ka len den bitcoin ke jariye hota. Agar aap soch rahey ki hum in sites ko search krke unhe visit kiya jaaye toh aap bahut galat soch rahey hai.

Main toh aapko yahi salah dunga ki in sites ko visit krne ke baare me kabhi sochiye bhi mat yaha pr jaane ke baad aapke saath bhi kuch galat ho sakta hai, Waise toh ye site asaani se milti nahi lekin fir bhi agr kisi ko ye mil jaaye tab bhi visit nahi kre kyonki In sites pr jana bhi illegal hai aapko aisa krne ke liye sajaa bhi ho sakti hai.Aapka IP trace ho sakta hai in sites ko vahi log visit krtey hai jo secure tarika jaantey hai site pr jaane ka ya fir ye hackers kr saktey hai    

Iske baare me aagey jaankari me aapko baad me dunga 

Tuesday, 20 June 2017

Amazon affiliate se paisa kamaye

Amazon affiliate ek bahut hi accha programme hai paisa kamane ke liye. Is se bahut se log laakho rupees monthly kama rahey hai. Lekin affiliate marketing se paisa kamana asaan bhi nahi hai jisko is field ki acchi janakari hai sirf wahi accha paisa kama sakta hai.

Affiliate Marketing Kya Hai.
Affiliate marketing vo hoti hai jisme hum dusro ke products ko promote krtey hai aur sale hone pr humein commission milta hai. Ise hum affiliate marketing ke naam se jantey hai. Aap shopping site pr affiliate bankar unke products ko sale krwa saktey. Iske liye aapko bahut hi accha commission milta hai.

Affiliate products ko kaise promote kre
Affiliate products ko promote krne ke liye hamare pass kuch aisa platform hona chahiye jis pr bahut acchey visitor aatey ho. Affiliate products ko promote krne ke liye aap apne facebook page ka use kr saktey hai. Jis pr followers bahut acchey ho tabhi aapko fayada hoga. Ya email marketing ke jariye aap ye kr saktey hai.
Main aapko products ko promote krne ka sabse accha tarika yahi suggest krunga ki aap iske liye wordpress pr ek website bnaye yahi sabse accha tarika jyadatar log isi se kama rahey hai. Lekin website pr visitor acchey honey chahiye visitor site pr kaise badaye ye bhi me apko bta dunga

Site Pr Visitor Kaise Badaya
Site pr visitor badane ka tarika waise toh S.E.O. hai isi ke jariye hum apni site ke back link create krke uski ranking badaa saktey hai Google pr lekin Google sabse phele priority us site ko deta hai jis pr Fresh content ho kisi other site se milta hua ya copy wala content nahi. Maine khud is baat ko practically dekha hai ki agar hum site pr fresh content daaltey hai toh site pr visitor badd jaatey hai. Visitor badaane ke liye sabse phela kaam aap yahi kre fir uske baad S.E.O kre.Back link create kre  
Content se site rank kaise badti hai

Site pr jab hum daily koi post daaltey hai fresh content ki toh us se rank is trah badti hai jaise ki agar aapki site "Food Recipe" pr bani huyi hai aur aap ki site pr ho content hai vo kisi other site pr nahi hai toh jab koi bhi person us keyword ko search krega toh Google First number pr aapki hi site ko dikhayega. Jaise ki maan lo ki "Pizza" Keyword duniya me sirf aapki hi site pr hai toh Google pr jab ye search hoga toh sabse phele aapki site search engine pr ayegi. Ye sabse accha tarika hai .
Affiliate marketing ke liye sabse accha tarika website hi hai. Maine apko btaa diya hai ki site ki rank aur visitor kaise badana hai toh ab aapko krna ye hai ki domain book kraiye aur wordpress pr hosting lekar ek acchi site bnakar products ko promote kriye. Aapko WordPress ki bahut saari free themes mil jayegi.

Aapki site jab ban jaaye tab aapko krna ye hai ki amazon aur flipkart affiliate pr register krna hai jab aap ragister ho jaaye tab aapko products category select krna hai uske baad un products ke baare me ek accha description likhiye aur us product ko ke affiliate link ko "Buy Now" button pr lgaa de. Main aapko iske liye suggest krunga ki aap health n personal care products ko select kre shuru me kyonki aap in products ke baare me accha likh saktey hai . Ya fir aap vo products bhi le saktey hai jin pr aap aacha likh sakey kyonki jab aap apni site pr accha likh kr fresh content daalenge tabhi apki site pr visitor badengey.